Վարդան Ղուկասյանի որդին էլ

Submitted by Admin on Sat, 05/02/2011 - 20:23
Saturday, February 5th, 2011
Երեկ ժամը 15:00 սահմաններում Հայաստանի ոստիկանության քրեական հետախուզության գլխավոր վարչության աշխատակիցները Գյումրի քաղաքի Շառլ Ազնավուրի հրապարակի վրա գտնվող Բյուզարդ ռեստորանային համալիրից ոստիկանության Շիրակի մարզային վարչություն բերման են ենթարկել 20-25 անձի:

Ինչպես հայտնում է ֆոտոլրագրող Գագիկ Շամշյանը, նշված անձանց մեջ են եղել հանցագործ աշխարհում հայտնի օրենքով գողեր նախկինում դատապարտված 'Զավ' մականունով 1968 թ ծնված Անդրանիկ Սողոյանը, 'օշականցի Գևորիկ' մականունով 1970 թ ծնված Գևորգ Մելիքյանը, 'Պավլուշի տղա Սուրո' մականունով 1973 թ ծնված Սուրեն Ավետիսյանը, 'Ալո' մականունով 1964 թ ծնված Ալեքսանդր Մակարյանը, 'Մանեթի տղա Սամո' մականունով1973 թ ծնված Սամվել Հարությունյանը, 'Ռաֆուլիկ' մականունով 1979 թ ծնված Ռաֆայել Խոյեցյանը, ինչպես նաև հանցագործ աշխարհում հեղինակություն համարվող 'Վստրեչի ապեր' մականունով 1971 թ ծնված Արամ Վարդանյանը և 1984 թ ծնված Գյումրիի քաղաքապետի որդի Սպարտակ Ղուկասյանը:

Նրանք բոլորը ենթարկվել են խուզարկման և կեսգիշերին ստորագրությամբ ազատ են արձակվել: Շիրակի մարզային վարչությունում նյութեր են նախապատրաստվում:
lragir.am